يعني من قل المصايب صاب هذا الصدر ضيق
ولا يعني من حلاة الحظ وعلو المكانه
ذي حياتي من مضيق .. في مضيق... في مضيق
ولو بحثت الصبر فيني مااجد للصبر خانه
عادتي لاضقت ادور حضن وعيون الرفيق
مشكله.. لاصار ضيقي منه واحزاني عشانه
يوم قال : اسمح لي بارجع وانت كمل ها ا لطريق
لازم تقدر ..وتنسى..ننتهي كل وشانه
قلت: صبرك يرحم الله والدينك ما اطيق
ماني ناقص فوق جرح اقدارنا جرح الخيانه
حاجتي لك حاجة الايتام وايدين الغريق
طالبك طلبه تراني اعشقك صون الامانه
وراح ماكنه سمعني والتفت لفتة طليق
وقال: اخيرا مابغينا وللفراق اطلق عنانه
عندها ادركت فعلا قيمة الحب العتيق
وقلت: هذي اخرتها ماتجاوزت امتحانه
ضيق صدر وجرح قلب ودمع عين ونشف ريق
هذا كل اللي جنيت وماقدرت اجني حنانه
استر لنفسي اعيش بضتك واحزان وحريق
ولا اموت من القهر وتكون موتتها جبانه
طالما بيني وبين الموت ماحاجه تعيق
غير خوفي من غضب ربي وانا مسلم ديانه
لانويت امسح جميع اوراقي الاولى افيق
وانصدم في واقعي المزري وفي قسوة زمانه
مدري كن الحزن فيني شاف له نعم الصديق
مدري يمكن كنت فعلا كفو للحزن وتكانه
والفرح كالثوب لكن يبدو انه مايليق
دام لبسه لاي خاسر ماوراه الا الاهانه
اااه ياحزني ترفق صاحبك جرحه عميق
اشهد انك يارفيق العمر طيحت الميانه
مثلي مثل اللي يراهن خلق ربي في عشيق
والبلا راهن ويدري خاسر العشق ورهانه
ويعني من قل الخساير صاب ذاك الشاب ضيق
يكفي لا هالوقت وقته ولامكانه هو مكانه
التوقيع |
صحيح ان الزمن ماانصفني كثير وماقصر معي باوجاعه لكن علمني اكون بكل شي كبيره اشتري شخص وماانوي وداعه واعطي وماانتظر العطا من الغير |