فى احدى جولاتنا فى قريتناالجميلة قرية سرسيقاالتقينا بالكابتن خالد كلووزة اثناء تفكيرة مع نفسة بعد العصر والحمد للة شربنا معاة كباتشينو واتسع صدرة لحوار اجريناة معة عن حياتة الشخصيةس: كابتن خالد انت ازاى بتوفق بين دراستك وبين الكرة؟
ج:والله ياكابتن انا طبعا زى ما بفكر فى مستقبلى بفكر برضو فى الكوره اللى مقدرش استغنى عنها .وانا طبعا زى ما بلعب فى البلد بلعب فى الكليه
س:طيب ممكن نعرف منك بعض انجازاتك فى الكلية؟
ج: بعيدا عن البلد طبعا انا خدت بطولات كتير فى الكليه التى لاتحصر منها (الاسلام هو الحل)او(اتحاد الطلاب الحر)او البطوله الاخيره (المهرجان الرياضى الكبير بالبستان)
س:طيب احنا معرفناش لحد دلوقتى انت تنتمى لاى فريق فى الدورى السرسيقى؟شوفناك مره مع المنتخب الوطنى ولعبت مع الدراويش ولعبت مع الصواريخ؟
ج:طبعا انا بيتى الاول والاخير فريق الصاروخ بس طبعا انا ما اقدرش اى فريق يطلبنى وما البيش النداء له لان انا انتمى لسرسيقا بجميع فئاتها
س:بالرغم من الشائعات التى ترددت فى الاونه الاخيره توقيعك عقد لفريق الدراويش الا ان الفراعنه ومسئوليه مازالوا يطلبون منك الانضمام اليهم؟
ج:انا حدث ليا تجربه احتراف فى دمتيوه بعد الاعتزال ورفض اللعب فى الفريق الاول بسبب عدم احترام اللعيبه اللى بتلعب معاهم فى الملعب فقررت عدم اللعب لهم.واحترفت فى دمتيوه وبعد الرجوع قررت عمل فريق يضم كل من الصواريخ والدراويش
ولكن نظرا لغياب عدد كبير من نجوم الفريقين فانا حاليا افكر فى الانضمام لفريق الفراعنه لو ليا فرصه معاه
س:هل للكابتن عبد الرازق حمدى قدره على اقناعك باللعب معه فى المنتخب الوطنى بعد عودته من شرم الشيخ غدا بما انك اضافه كبيره للمنتخب الوطنى ولا يمكن الاستغناء عنك؟
ج: بلا شك الكابتن عبد الرازق من الناس اللى انا بحترم جدا ادائه فى الملعب وهو تقريبا اللاعب الوحيد اللى بستريح وانا بلعب بجواره بس طبعا انا قررت بلا رجعه عدم الرجوع لفريق المنتخب وها حاول بقدر الامكان ان انا اقنعه انه يلعب معايا ونعمل سويا على تكوين فريق جديد للبلد او لم شمل فريق الصاروخ مره اخرى
س:بما انك كان لك دور كبير فى ضم اللاعب ابراهيم عادل حارس الفراعنه كحارس جديد للصواريخ بعد الاستغناء عن ابراهيم راشد بعد دوره خنيزه؟وما هى اسباب ضمك ليه فى فريقك الجديد؟
ج:انا طبعا دائما اشجع الناشين ولا احبطهم واحب دائما تجديد الفريق بدم جديد وطبعا ابراهيم بيلعب فى مراكز كتير فى الاشبال بس انا ولله الحمد اكتشفته بالصدفه فى مركز حارس المرمى اثناء غياب ابراهيم راشد وطبعا اعتزال الكابتن الكبير جدا جدا (هانى عبد الفتاح)العملاق.
فانا حبيت اضم ابراهيم فى هذا المركز الجديد واجاد فيه
س:طيب انت يا كابتن مين اللى ترشحه او اللى تحب تلعب معاه فى الملعب؟
ج:انا ذكرت قبل كده الكابتن عبد الرازق طبعا من الناس اللى بعشق اللعب معاهم.والكابتن تامر عبد المجيد اكيد ورامى ورمضان بالنسبه لفريق الصاروخ اما الدراويش(شريف وسامح وايمن)والفراعنه الحارس الناشى (ابراهيم عادل واحمد عطوان) والفريق الكبير(وائل صلاح)فقط.
س:طيب ممكن ترد بكلمه واحده علي مستوى كل لاعب من هؤلاء؟
ج:اوك
عبده حتاته:سريع وهداف
تامر ابوعلى:سيطره وتحكم ممتاز
رامى ماهر:جلبرتو الكره السرسيقيه
رمضان على:اسد الدفاع
ايمن شوقى:بطئ شويه بس فاهم كوره
شريف بيبو:الواد ده كويس
ياسين حمدى:ميلا العجوز بس راحت عليه
وائل صلاح:مرعب لاى فريق
خالد صبحى:الجمهور يحكم
شكرا يا كابتن خالد على هذا الحوار المتميز ونتمنى لكم مزيد من التقدم والرقى فى عالم كوره القدم
ونسيبك بقى تفكر بعد العصر براحتك ومتنسناش فى الكابتشينو
موضوع: حوار مع النجم خالد كلوزه 
4/5/2008, 12:48 am
